Mıhaıl Shaıdorov Tórt qurlyq chempıonatynda úzdik bestikte keledi

ASTANA. KAZINFORM - Qytaı astanasy Beıjiń qalasynda mánerlep syrǵanaýdan Tórt qurlyq chempıonatynyń erler arasyndaǵy qysqa baǵdarlamasy ótti.

Qazaqstan Ulttyq Olımpıada komıtetiniń habarlaýynsha, jarystyń basty úzdikteriniń biri, 2026 jylǵy qysqy Olımpıadanyń joldama ıegeri Mıhaıl Shaıdorov alǵashqy saıysta 90.55 upaı jınady. Bul kórsetkishimen ol tórtinshi orynǵa jaıǵasty.

1. Kao Mıýra (Japonııa, 2023 jylǵy Tórt qurlyq chempıonatynyń jeńimpazy) - 98.59 upaı

2. Kazýkı Tomono (Japonııa) - 97.19 upaı

3. Sota ıAmamoto (Japonııa) - 94.68 upaı

4. Mıhaıl Shaıdorov - 90.55 upaı

Aıta keteıik, Mıhaıl Shaıdorov 2025 jyly Ońtústik Koreıada ótken Tórt qurlyq chempıonatynda top jarǵan bolatyn.

Bıylǵy básekede Azııa, Afrıka, Amerıka, Okeanııa qurlyqtaryndaǵy 17 memleketten 100 sportshy bas qosty.

Erteń erler sheshýshi erkin baǵdarlamada júldegerlerdi anyqtaıdy.

Eske salsaq, budan buryn Mıhaıl Shaıdorov AQSh-ta ótken Gran-prı kezeńinde kúmis medal jeńip aldy.