Mıhaıl Shaıdorov Ońtústik Koreıada ótip jatqan tórt qurlyq chempıonatynda top jardy

ASTANA. KAZINFORM – Qazaqstan quramasynyń kóshbasshysy Mıhaıl Shaıdorov Ońtústik Koreıanyń Seýl qalasynda ótip jatqan tórt qurlyq chempıonatynda ýaqytsha birinshi orynǵa kóterildi. Bul týraly Ulttyq olımpıadalyq komıtet málimdedi.

Qazaqstandyq sportshy qysqa baǵdarlamada sátti óner kórsetip, 94.73 upaı jınady. Bul nátıje oǵan erler arasyndaǵy jeke syrǵanaýda týrnır kestesiniń kóshin bastaýǵa múmkindik berdi.

Aıta keteıik, jeńimpaz ben júldegerler 22 aqpanda ótetin erkin baǵdarlama qorytyndysy boıynsha anyqtalady.

Mánerlep syrǵanaýshy Sofıa Samodelkına Azııa oıyndarynda tórtinshi oryn alǵanyn jazǵan bolatynbyz.