Mıhaıl Shaıdorov mánerlep syrǵanaýdan álemdik reıtıngte ekinshi ornyn saqtap qaldy
ASTANA. KAZINFORM — Qazaqstandyq mánerlep syrǵanaýshy Mıhaıl Shaıdorov Frantsııadaǵy Gran-prı kezeńinde onynshy oryn alǵanyna qaramastan, Halyqaralyq konkıshiler odaǵynyń (ISU) álemdik reıtınginde ekinshi ornyn saqtap qaldy.
Frantsııanyń Anje qalasynda ótken Gran-prı serııasynyń alǵashqy kezeńinde Olımpıada chempıony onynshy orynǵa turaqtady. Erkin baǵdarlamada qazaqstandyq sportshy birneshe qatelik jiberip, muz ústinde qulap qaldy.
Buǵan deıin Shaıdorov osy serııanyń kezeńderinde únemi úzdik bestiktiń qatarynan kórinip kelgen edi.
Alaıda Frantsııadaǵy sátsiz óneri onyń álemdik reıtıngtegi ornyna áser etken joq. ISU-dyń keıingi málimeti boıynsha, qazaqstandyq mánerlep syrǵanaýshynyń enshisinde 4 193 upaı bar.
Reıtıng kóshin 4 590 upaı jınaǵan amerıkalyq Ilıa Malının bastap tur. Ekinshi orynda — Mıhaıl Shaıdorov, al úshinshi satyǵa 4 123 upaımen japonııalyq ıÝma Kagııama jaıǵasqan.
Eske salaıyq, buǵan deıin qazaqstandyq mánerlep syrǵanaýshy, Olımpıada chempıony
Mıhaıl Shaıdorov Slovakııanyń Bratıslava qalasynda ótken ISU Challenger serııasynyń Memorial Ondrej Nepela halyqaralyq týrnırinde qola medal jeńip alǵanyn habarlaǵanbyz.
