Mıhaıl Shaıdorov Qytaıdaǵy Gran-prıdiń qysqa baǵdarlamasynda 3-orynǵa ıe boldy

ASTANA. KAZINFORM – Chýntsın qalasynda (Qytaı) mánerlep syrǵanaýdan Gran-prı kezeńi bastaldy. 

Ulttyq olımpıadalyq komıtettiń málimmetinshe, atalǵan jarysta Qazaqstan atynan álem chempıonatynyń kúmis júldegeri Mıhaıl Shaıdorov baq synap jatyr. 

Qysqa baǵdarlamada Shaıdorov 88.33 upaı jınap, aralyq nátıjede úshinshi orynǵa ıe boldy.

Jarys kestesinde japonııalyq Shýn Sato 94.13 upaımen kósh bastap tur. Al ekinshi orynǵa 90.42 upaımen ıtalııalyq Danıel Graal jaıǵasqan. 

Aıta keteıik, erkin baǵdarlama 25 qazanda ótedi.

Buǵan deıin Qazaqstan áıelder quramasy short-trekten álemdik týrdyń jartylaı fınalyna ótkenin jazǵan edik.