Mıhaıl Shaıdorov qysqy Azııa oıyndarynyń qola júldegeri atandy
HARBIN.KAZINFORM – Qytaıdyń Harbın qalasynda ótip jatqan qysqy Azııa oıyndarynyń erler arasynda mánerlep syrǵanaýdan básekeler óz máresine jetti.
Erler arasynda mánerlep syrǵanaýdan erkin baǵdarlamada óner kórsetken qazaqstandyq sportshy Mıhaıl Shaıdorov 169.26 upaı jınap, úshinshi orynan kórindi.
Ońtústik Koreıa sportshysy Chha Djýnhvan altyn medal ıegeri atansa, japondyq Kagııama ıÝma kúmis júldeni qanjyǵasyna baılady.
Sonymen qatar, osy baǵdarlamada óner kórsetken taǵy bir qazaqstandyq sportshy Dıas Jırenbaev 120.62 upaı jınap, 9-orynǵa jaıǵasty.
Aıta keterligi, bul Qazaqstan delegatsııasynyń Harbın qysqy Azııa oıyndaryndaǵy 7-qola medali.
Osyǵan deıin habarlaǵanymyzdaı, mánerlep syrǵanaýdan Qazaqstan atynan synǵa túsken Sofıa Samodelkına qola júldege bir qadam jetpeı qaldy.
