Mıhaıl Shaıdorov ISU Gran-Prı fınalynda 5-oryn aldy
ASTANA. KAZINFORM – Mánerlep syrǵanaýdan Ulttyq qurama kóshbasshysy Mıhaıl Shaıdorov Frantsııanyń Grenobl qalasynda ótip jatqan ISU Gran-Prı fınalynda 5-orynnan kórindi.
Sportty damytý dırektsııasynyń málimetinshe, otandasymyz búgin erkin baǵdarlamada 162.49 ball jınady. Al qos jattyǵý nátıjesinde - 253.75 upaı.
Keshe ol qysqa baǵdarlamadan keıin 3-orynǵa jaıǵasqan.
Kósh basyndaǵy amerıkalyq Ilıa Malının (2024 jylǵy álem chempıony, 2023 jylǵy Gran-prı jeńimpazy) óz ornyn saqtap qaldy.
Kúmis medal japonııalyq ıÝma Kagııamaǵa buıyrsa, úzdik úshtikti taǵy bir japonııalyq Shýn Sato túıindedi.
Aıta keteıik, Gran-prı fınalynda erlerden jekeleı synda maýsymda kóp upaı jınaǵan úzdik 6 sportshy baq synady.
Mánerlep syrǵanaýdan Qazaqstan quramasynyń kóshbasshysy Mıhaıl Shaıdorov Qytaıdyń Chýntsın qalasynda ótip jatqan Gran-prı kezeńinde aralyq ekinshi orynǵa ıe bolǵanyn jazǵan bolatynbyz.