Mıhaıl Shaıdorov: Bul men úshin de, búkil Qazaqstan úshin de úlken jeńis
ASTANA.KAZINFORM — 22 maýsymda Halyqaralyq konkıshiler odaǵy (ISU) 2027 jylǵy mánerlep syrǵanaýdan Tórt qurlyq chempıonatynyń Astanada ótetinin resmı túrde jarııalady. Olımpıada chempıony Mıhaıl Shaıdorov bul sheshim óziniń kópten bergi armanynyń oryndalǵanyn aıtty.
- Men óte qýanyshtymyn. Bul men úshin de, búkil Qazaqstan úshin de úlken jeńis. Kóp jyl boıy ISU jarysynyń týǵan elimde ótkenin armandadym. Sol armanymnyń aqyry oryndalǵanyna qatty qýanyshtymyn. Olımpıada oıyndaryndaǵy jeńisimnen keıin Qazaqstanda mánerlep syrǵanaýdyń tanymaldyǵy aıtarlyqtaı artty. Men bul úderistiń jalǵasa bergenin qalaımyn. Aldaǵy maýsymǵa tyńǵylyqty daıyndalamyn jáne Tórt qurlyq chempıonaty jankúıerlerge umytylmas áser syılap, olardyń jadynda uzaq saqtalady dep senemin, – dep keltiredi Shaıdorovtyń sózin ISU.
Aıta keteıik, jarys 2027 jyldyń 9-14 aqpany aralyǵynda ótedi.
Mıhaıl Shaıdorov 2026 jyly Italııanyń Mılan jáne Kortına-d’Ampetstso qalalarynda ótken qysqy Olımpıada oıyndarynda erler arasyndaǵy jekeleı synda altyn medal jeńip alǵan bolatyn.
