Mıhaıl Shaıdorov AQSh-ta ótken Gran-prı kezeńinde kúmis medal jeńip aldy

ASTANA. KAZINFORM — Mánerlep syrǵanaýdan Qazaqstan quramasynyń lıderi Mıhaıl Shaıdorov AQSh-tyń Leık-Plesıd qalasynda ótken Gran-prı kezeńinde ekinshi orynǵa ıe boldy. Bul týraly UOK baspasóz qyzmeti habarlady. 

Qysqa baǵdarlamada sportshymyz úshinshi nátıje kórsetti. Al erkin baǵdarlamada Shaıdorov 161,42 upaımen kósh bastady.

Eki baǵdarlamanyń qorytyndysy boıynsha ol 251,09 upaı jınap, jalpy esepte ekinshi oryn aldy. Frantsııa ókili Kevın Aımoz jarys jeńimpazy atandy. (253,53 upaı). Qola medaldi japonııalyq Kazýkı Tomono jeńip aldy (245,57 upaı).

Aıta ketelik Kamıla Aımýkasheva Islam oıyndarynyń qola júldesin jeńip aldy.