Mıhaıl Lomtadze Prezıdentke Kaspi.kz-tiń AQSh-taǵy IPO-ǵa tabysty shyqqanyn málimdedi

ASTANA. KAZINFORM – Memleket basshysy Kaspikz kompanııasynyń negizin qalaýshylar Vıacheslav Kım men Mıhaıl Lomtadzeni qabyldady. Bul týraly Aqordanyń baspasóz qyzmeti habarlady.  

Prezıdentke Kaspikz kompanııasy qyzmetiniń nátıjeleri men damý perspektıvalary týraly málimet berildi.

Vıacheslav Kım men Mıhaıl Lomtadze Qasym-Jomart Toqaevqa Kaspikz kompanııasynyń AQSh-taǵy NASDAQ qor bırjasynda IPO-ǵa tabysty shyqqany týraly aıtty. Bul bırjada Apple, Amazon, Google jáne basqa da álemdik jetekshi tehnologııalyq kompanııalardyń aktsııalary ornalastyrylǵan.

Memleket basshysy Kaspikz kompanııasynyń negizin qalaýshylardy aıtýly jetistigimen quttyqtady.

Sonymen qatar kezdesýde elimizge álemdik jetekshi ınvestorlardy kóptep tartý úshin ınvestıtsııalyq klımatty jaqsartý perspektıvalary talqylandy.