Mıhaıl Kýkýshkın Ulybrıtanııadaǵy jarystyń 1/8 fınalyna ótti

ASTANA. KAZINFORM – Qazaqstandyq, álemniń 136-raketkasy Mıhaıl Kýkýshkın Sýrbıton (Ulybrıtanııa) chellendjer týrnıriniń 1/8 fınalyna ótti.

Qazaqstandyq tennısshi alǵashqy aınalymda dúnıejúzilik reıtıngide 246-orynda turǵan ulybrıtanııalyq Artýr Ferımen betpe-bet keldi.

M.Kýkýshkın 6:3, 6:2 esebimen aıqyn basymdylyq tanytty. 1 saǵat 5 mınýtqa sozylǵan báseke barysynda ol 3 eıs, 3 breıkpen (4 breık-poınt) kózge tústi.

Mıhaıl Kýkýshkınniń kelesi qarsylasy keıin anyqtalady.

Taǵy bir qazaqstandyq, álemniń 171-raketkasy Beıbit Juqaev birinshi aınalymda reıtıngide ózinen tórt saty tómen turǵan amerıkalyq Maksım Kressımen kortqa shyǵady.

Reıtıngide 199-oryndaǵy Tımofeı Skatov Prosteev (Chehııa) chellendjer dodasynyń alǵashqy aınalymynda álemniń – 54, osy jarystyń 1-raketkasy, serbııalyq Laslo Dereden óte almady – 4:6, 2:6.

Eske sala keteıik, budan buryn Rolan Garros týrnırinde Rybakınanyń Tokıoda ketken eseni qaıtaryp, shırek fınalǵa shyqqanyn jazǵan bolatynbyz. 

Sondaı-aq Jibek Qulambaeva Italııada negizgi jarysqa joldama aldy.