Mıhaıl Kýkýshkın Ulybrıtanııadaǵy týrnırde qos qarsylasyn oısyrata utty

ASTANA. KAZINFORM — Qazaqstandyq tennısshi, álemniń 298-raketkasy Mıhaıl Kýkýshkın Nottıngem (Ulybrıtanııa) chellendjer týrnıriniń shırek fınalyna shyqty. 

Qazaqstandyq tennısshi alǵashqy aınalymda jarysqa arnaıy shaqyrtý alǵan, reıtıngide 441-oryndaǵy frantsııalyq, 19 jastaǵy Malıj Maeni oısyrata utty — 6:3, 6:0.

M.Kýkýshkın búgin ekinshi aınalymda reıtıngide 368-satydaǵy germanııalyq Krıstof Negrıtýmen kortqa shyqty. Qazaqstandyq sportshy bul kezdesýde de aıqyn basymdylyq tanytty — 6:2, 6:1.
Bir saǵat 22 mınýtqa sozylǵan básekede Kýkýshkın 4 eıspen birge 11 breık-poınttyń beseýin óz esebine jazdy. Negrıtý 3 eısten asa almady.

Mıhaıl Kýkýshkın jartylaı fınalǵa shyǵý úshin amerıkalyq Kennon Kıngslı nemese ulybrıtanııalyq Elıstor Greıdiń qaı jeńgenimen talasady. 

Eske sala keteıik, budan buryn Anna Danılınanyń Brısben týrnıriniń jartylaı fınalyna joldama alǵanyn jazǵan edik. 

Sondaı-aq Elena Rybakına Brısben týrnıriniń úshinshi aınalymyna ótti.

Tımofeı Skatov Úndistandaǵy jarystyń shırek fınalyna shyqty.