Mıhaıl Kýkýshkın Ulybrıtanııadaǵy týrnırde chempıondyqqa talasady

ASTANA. KAZINFORM — Qazaqstandyq tennısshi, álemniń 293-raketkasy Mıhaıl Kýkýshkın Glazgo (Ulybrıtanııa) chellendjer týrnıriniń fınalyna joldama aldy.

Qazaqstandyq tennısshi jartylaı fınalda álemniń 300-raketkasy, chehııalyq, 21 jastaǵy Gınek Bartonmen synǵa tústi.

Birinshi partııada 38 jastaǵy Kýkýshkınge bir breık jetkilikti boldy — 6:4

Esesine ekinshi sette Barton 3:0 esebimen alǵa ketti. Biraq qazaqstandyq sportshy tarazy basyn teńestirip qana qoımaı, taı-breıkte jeńisti julyp aldy — 7:6 (7:4).

Bir saǵat 45 mınýtqa sozylǵan básekede Kýkýshkın 2 eıspen birge 4 breık-poınttyń teń jartysyn qur jibermedi. Barton 14 eıs, 1 breıkpen (2 breık-poınt) kózge tústi.
Mıhaıl Kýkýshkın fınalda álemniń 215-raketkasy, frantsııalyq Kleman Shıdehpen chempıondyq ataqty sarapqa salady.

Taǵy bir qazaqstandyq, álemniń 195-raketkasy Tımofeı Skatov Nonthabýrı (Taıland) chellendjer týrnıriniń fınalynan tys qaldy. Ol jartylaı fınalda kútpegen jerden 373-oryndaǵy ıspanııalyq Pol Martın Tıffonǵa ese jiberdi — 2:6, 4:6.

Eske sala keteıik, budan buryn Mıhaıl Kýkýshkınniń Glazgo týrnıriniń jartylaı fınalynda oınaıtynyn jazǵan edik.