Mıhaıl Kýkýshkın Ýımbldonda irikteý saıystarynyń fınalyna shyqty
NUR-SULTAN. QazAqparat – Qazaqstandyq, álemniń 160-raketkasy Mıhaıl Kýkýshkın Ýımbldon týrnıri irikteý saıystarynyń fınalyna shyqty, dep habarlaıdy QazAqparat tilshisi.
M.Kýkýshkın irikteý saıystarynyń jartylaı fınalynda dúnıejúzilik reıtıngte 230-orynda turǵan germanııalyq, 38 jastaǵy Fılıpp Kolshraıbermen kúsh synasty.
Birinshi partııada taı-breıkte germanııalyq sportshy sátti oınady – 7:6 (7:4).
Esesine ekinshi sette M.Kýkýshkın qarymta qaıyrdy – 6:3.
Úshinshi, sheshýshi partııada ol 2:0 esebimen alǵa ketti. Esep 5:2 bolyp, matchqa dop bergende, qazaqstandyq tennısshi sol múmkindigin paıdalana almady. Degenmen sodan soń maqsatyna jete bildi – 6:4.
Eki saǵat 20 mınýtqa sozylǵan báseke barysynda M.Kýkýshkın 4 eıs jasap, 8 breık-poınttyń teń jartysyn paıdalandy. Qarsylasy 8 eıs, 2 breıkpen kózge tústi.
M.Kýkýshkın irikteý saıystarynyń fınalynda álemniń 178-raketkasy, majarstandyq Jombor Pıroshpen kezdesedi. Ony jeńse, bıylǵy úshinshi «Úlken dýlyǵa» jarysyna joldama alady.
Eske sala keteıik, budan buryn ıÝlııa Pýtıntsevanyń Istborn týrnıriniń úshinshi aınalymyna shyqqanyn, Arýjan Saǵyndyqovanyń álemdegi úzdik 70 jas tennısshiniń qataryna kirgenin jazǵan bolatynbyz.
Sondaı-aq Grıgorıı Lomakın Mılanda jarystyń birinshi raketkasyn utty.
