Mıhaıl Kýkýshkın Ýımbldon týrnıriniń irikteý saıysyn sátti bastady
LONDON. KAZINFORM – Qazaqstandyq tennısshi, álemniń 132-raketkasy Mıhaıl Kýkýshkın kógal tósenishindegi Ýımbldon týrnıriniń irikteý saıysyn sátti bastady.
Іrikteý dodasynda 27-raketka bolyp tirkelgen qazaqstandyq tennısshi bastapqy kezdesýin dúnıejúzilik reıtıngide 278-orynda turǵan ýkraınalyq Vıtalıı Sachkomen ótkizdi.
Eki sette de 6:3 esebi tirkelip, 1 saǵat 15 mınýtqa sozylǵan matchta Kýkýshkın jeńiske jetti. Ol 3 eıspen birge 7 breık-poınttyń tórteýin múlt jibermedi. Sachko 2 eıs, 1 breıkpen shekteldi.
Mıhaıl Kýkýshkın irikteý jarysynyń jartylaı fınalynda álemniń 152-raketkasy, frantsııalyq Bendjamın Bonzı nemese reıtıngide 266-satydaǵy amerıkalyq Raıan Penıstonnyń qaı jeńgenimen kezdesedi.
Eske sala keteıik, budan buryn qazaqstandyq tórt tennısshiniń Ýımbldon týrnıriniń irikteý satysynda baq synaıtynyn jazǵan bolatynbyz.
