Mıhaıl Kýkýshkın Ýımbldon týrnıriniń tórtinshi aınalymyna shyqty
NUR-SULTAN. QazAqparat - Qazaqstandyq Mıhaıl Kýkýshkın Ýımbldon týrnıriniń úshinshi aınalymynda germanııalyq ıAn-Lennard Shtrýffpen kúsh synasty, dep habarlaıdy QazAqparat tilshisi.
Qazaqstandyq sportshy dúnıejúzilik reıtıngte 58-orynda bolsa, qarsylasy 33-satyda edi.
Birinshi partııada M.Kýkýshkın breık jasap, sol basymdylyǵyn saqtap qala aldy - 6:3. Ekinshi set taı-breıkke deıin jetip, onda qazaqstandyq tennısshi sátti oınady - 7:6 (7:5). Úshinshi partııada esep 1:1 bolǵan mezette germanııalyq sportshy breık jasap, alǵa shyqty - 2:1. Aqyry bul set onyń enshisinde ketti - 6:4. Tórtinshi sette Shtrýff jetinshi sette breık jasaı aldy - 4:3. Kýkýshkın de breıkpen jaýap qaıyra bildi - 4:4. Esep 6:5 bolǵanda, ol qos birdeı matchboldy paıdalana almady. Degenmen úshinshi matchbolyn qur jibergen joq - 7:5.
Tartysty báseke 3 saǵat 20 mınýtqa sozyldy. M.Kýkýshkın shırek fınalǵa shyǵý úshin álemniń 7-inshi, osy týrnırdiń 8-raketkasy, japonııalyq Keı Nısıkorımen talasady.
Áıelder arasyndaǵy juptyq synda qazaqstandyq Galına Voskoboeva rýmynııalyq Sorana Kyrstıamen birge ekinshi aınalymda frantsııalyq Alıze Korne men horvatııalyq Petra Martıchpen kezdesip, 4:6, 3:6 esebimen jeńilis tapty.
Galına Voskoboeva ýkraınalyq Denıs Molchanovpen birge aralas synda ekinshi aınalymda týrnırdiń 1-raketkasy bolyp tirkelgen amerıkalyq Nıkol Melıchar men brazılııalyq Brýno Soarespen kezdesti. Munda amerıkalyq-brazılııalyq jup 7:6 (7:4), 3:6, 6:3 esebimen jeńiske jetti. Osylaısha Ýımbldon týrnırinde Qazaqstannan M.Kýkýshkınnen basqa eshkim qalǵan joq. Ol sporttyq jolynda alǵash ret Ýımbldonnyń tórtinshi aınalymyna shyǵyp otyr. Bul - árıne, úlken tabys.
Eske sala keteıik, budan buryn M.Kýkýshkın týrnırdiń 9-raketkasyn utqan bolatyn. Al, G.Voskoboeva aralas synda da jarysty sátti bastaǵan.
