Mıhaıl Kýkýshkın Rotterdam týrnıriniń irikteý jarysyn jeńispen bastady

ASTANA. KAZINFORM — Qazaqstandyq tennısshi, álemniń 112-raketkasy Mıhaıl Kýkýshkın Rotterdam (Nıderland) ATP 500 týrnıriniń irikteý saıysyn sátti bastady.

Qazaqstandyq sportshy alǵashqy matchynda dúnıejúzilik reıtıngide 318-orynda turǵan nıderlandylyq Ielle Selstiń mysyn basty.

Birinshi partııada Kýkýshkın 6:4 esebimen basym tússe, ekinshisinde qarqynyn údetti — 6:1.
Báseke 1 saǵat 18 mınýtqa sozyldy.

Mıhaıl Kýkýshkın irikteý jarysynyń fınalynda álemniń 130-raketkasy, frantsııalyq Garold Maıomen kezdesedi. Ony jeńse, negizgi týrnırge joldama alady.

Negizgi dodada Qazaqstannyń birinshi, álemniń 39-raketkasy Aleksandr Býblık óner kórsetedi. Sońǵy ýaqytta oıyny qojyrap ketken A.Býblık alǵashqy aınalymda reıtıngide 48-oryndaǵy chehııalyq, 19 jastaǵy ıAkýb Menshıkpen sheberlik baıqasady.

Rotterdam dodasy 9 aqpanda máresine jetedi. Ótken jyly munda álemniń 1-raketkasy, ıtalııalyq ıAnnık Sınner chempıon atanǵan bolatyn. Qazaqstandyqtardan Aleksandr Shevchenko shırek fınalǵa deıin jetse, A.Býblık ekinshi aınalymnan asa almaǵan edi. 

Eske sala keteıik, budan buryn tennısten Devıs kýbogynda Pákistanmen matchta Qazaqstannyń alǵa shyqqanyn jazǵan edik.

Sondaı-aq Pákistanmen matchta Beıbit Juqaev esepti 2:0-ge jetkizdi.