Mıhaıl Kýkýshkın Rolan Garros týrnıriniń irikteý saıysyn sátti bastady

PARIJ. KAZINFORM — Qazaqstandyq, álemniń 135-raketkasy Mıhaıl Kýkýshkın Rolan Garros týrnıriniń irikteý saıysyn sátti bastady.

Frantsııa ashyq chempıonatynda kópten beri óner kórsetip kele jatqan 36 jastaǵy qazaqstandyq tennısshiniń irikteý saıystarynyń shırek fınalynda álemniń 151-raketkasy, shveıtsarııalyq Leandro Rıdımen joly túıisti. 

Tájirıbesi mol M.Kýkýshkın saǵat jarymǵa jýyq ýaqytqa sozylǵan matchta kóp qınala qoıǵan joq — 6:4, 6:3. Ol 1 eıs jasap, 9 breık-poınttyń tórteýin óz esebine jazdy.

Rıdı 5 eıs, 1 breıkpen kózge tústi. 

Mıhaıl Kýkýshkın irikteý týrnıriniń fınalyna shyǵý úshin álemniń 215-raketkasy, Aýstralııa ókili Lı Týmen talasady.

Ol dúnıejúzilik reıtıngide ózinen on saty joǵary turǵan ulybrıtanııalyq Olıver Kroýfordty tartysty matchta tize búktirdi — 6:7 (4:7), 6:4, 6:2. 

Taǵy bir qazaqstandyq, reıtıngide 229-oryndaǵy Dmıtrıı Popko álemniń 200-raketkasy, frantsııalyq Valentın Roıege jol berdi — 6:7 (2:7), 5:7.

Tartysty ótken oıyn 1 saǵat 55 mınýtqa sozylyp, Popko 4 eıs jasap, 4 breık-poınttyń ekeýin paıdalandy.

Roıe 4 eıske qosa bir breıkti artyq jasap ketti. 

Eske sala keteıik, budan buryn tennısten álem chempıonatynda Qazaqstan jasóspirimderiniń irikteý jarysynyń shırek fınalynda oınaıtynyn jazǵan bolatynbyz.

Sondaı-aq Aleksandr Shevchenko Jeneva týrnıriniń shırek fınalyna shyqty.