Mıhaıl Kýkýshkın Portýgalııadaǵy jarystyń shırek fınalyna joldama aldy

ASTANA. KAZINFORM – Qazaqstandyq tennısshi, álemniń 262-raketkasy Mıhaıl Kýkýshkın Oeırash (Portýgalııa) chellendjer týrnıriniń shırek fınalyna shyqty.

Qazaqstandyq tennısshi bastapqy kezdesýinde reıtıngide 370-oryndaǵy portýgalııalyq Gashtaý Elıashty qapy qaldyrdy – 6:2, 6:3.

M.Kýkýshkın ekinshi aınalymda álemniń 153-raketkasy, estonııalyq Mark Laıalmen betpe-bet keldi.

Birinshi partııada taı-breıkte Laıal sheberlik tanytty - 7:6 (7:4). Degenmen Kýkýshkın budan keıin kambek jasaı bildi - 6:2, 7:5.

Asa tartysty ótken báseke 3 saǵat 15 mınýtqa sozyldy. 

Mıhaıl Kýkýshkın jartylaı fınalǵa shyǵý úshin álemniń 129-raketkasy, lıtvalyq Vılıýs Gaýbaspen talasady. Ol reıtıngide 313-satydaǵy chehııalyq, 19 jastaǵy Petr Brýntslıkten basym tústi - 6:1, 1:6, 6:3. 

Taǵy bir qazaqstandyq, reıtıngide 367-oryndaǵy Denıs Evseev sensatsııa jasap, alǵashqy aınalymda álemniń 187-raketkasy, shveıtsarııalyq Jerom Kıýmony utty. Match 6:4, 6:7 (5:7), 6:2 esebimen Evseevtiń paıdasyna aıaqtaldy. 

D.Evseevtiń kelesi qarsylasy – álemniń 170-raketkasy, majarstandyq Jombor Pırosh. 
Oeırashtaǵy dodanyń júlde qory 160 680 eýroǵa baǵalanǵan. Jeńimpaz 23 750 eýroǵa qosa 100 reıtıngilik upaıǵa ıe bolady.

Budan buryn Elena Rybakınanyń bastapqy kezdesýin jeńispen aıaqtaǵanyn jazǵan edik.

Sondaı-aq ıÝlııa Pýtıntseva qarsylasyn aıqyn basymdylyqpen utty.

Aleksandr Býblık úshinshi aınalymǵa shyqty.