Mıhaıl Kýkýshkın Portýgalııadaǵy týrnırdi sátti bastady

ORAL. KAZINFORM — Qazaqstandyq tennısshi, álemniń 167-raketkasy Mıhaıl Kýkýshkın Oeırash (Portýgalııa) chellendjer týrnıriniń ekinshi aınalymyna shyqty.

Qazaqstandyq tennısshi bastapqy kezdesýin dúnıejúzilik reıtıngide 200-orynda turǵan ıtalııalyq Matteo Gıgantemen sátti ótkizdi.

Match 6:4, 6:4 esebimen Kýkýshkınniń paıdasyna sheshildi.

Bir saǵat 36 mınýtqa sozylǵan básekede qazaqstandyq sportshy 2 eıspen birgen 7 breık-poınttyń úsheýin óz esebine jazdy. Gıgante 2 eıs, 1 breıkpen (4 breık-poınt) shekteldi.

Mıhaıl Kýkýshkınniń kelesi qarsylasy keıin anyqtalady.

Taǵy bir qazaqstandyq, reıtıngide 257-satydaǵy Denıs Evseev alǵashqy aınalymda álemniń 122-raketkasy, amerıkalyq Trıstan Boıermen sheberlik baıqasady.

Eske sala keteıik, budan buryn Aleksandr Shevchenkonyń Mıýnhen týrnırinde kambekpen ekinshi aınalymǵa shyqqanyn jazǵan bolatynbyz.