Mıhaıl Kýkýshkın Ońtústik Koreıadaǵy týrnırde qarsylasyn kambekpen utty
ASTANA. KAZINFORM — Qazaqstandyq tennısshi, álemniń 282-raketkasy Mıhaıl Kýkýshkın Kvandjý (Ońtústik Koreıa) chellendjer týrnıriniń ekinshi aınalymyna joldama aldy.Qazaqstandyq tennısshi alǵashqy kezdesýin álemniń 254-raketkasy, reseılik Pavel Kotovpen ótkizdi.
Birinshi partııada Kotov aıqyn basymdylyq tanytty — 6:1. Degenmen osydan keıin 38 jastaǵy Kýkýshkın kambek jasaı bildi — 6:2, 6:3.
Eki saǵattan astam ýaqytqa sozylǵan tartysty básekede M.Kýkýshkın 4 eıspen birge 5 breık-poınttyń úsheýin paıdalandy. Kotov 8 eıs, 2 breıkpen (4 breık-pont) erekshelendi.
Mıhaıl Kýkýshkın shırek fınalǵa shyǵý úshin álemniń 129-raketkasy, shveıtsarııalyq Leandro Rıedımen talasady.
Taǵy bir qazaqstandyq, reıtıngide 300-oryndaǵy Beıbit Juqaev irikteý saıystaryn sátti ótkizgenimen, negizgi jarysta álemniń 221-raketkasy, ulybrıtanııalyq Lıam Broýdıge jol berdi — 2:6, 1:6.
Eske sala keteıik, budan buryn Býblık pen Shevchenkonyń Madrıd masters týrnırinde baq synaıtynyn jazǵan bolatynbyz.
Jibek Qulambaeva juptyq synda Qytaıdaǵy týrnırdiń shırek fınalyna shyqty.
