Mıhaıl Kýkýshkın Nottıngem týrnıriniń shırek fınalyna shyqty
NUR-SULTAN. QazAqparat – Qazaqstandyq Mıhaıl Kýkýshkın juptyq synda Nottıngem (Ulybrıtanııa) chellendjer týrnıriniń shırek fınalyna shyqty, dep habarlaıdy QazAqparat tilshisi.
M.Kýkýshkın aýstralııalyq Djon Mıllmanmen birge bastapqy kezdesýin osy jarystyń birinshi raketkalary, ıtalııalyq Andrea Vavassorı – polıak Shımon Valkovpen ótkizdi.
Qazaqstandyq-aýstralııalyq jup 6:4, 1:6, 13:11 esebimen jeńiske jetti.
M.Kýkýshkın men D.Mıllman jartylaı fınalǵa shyǵý úshin ulybrıtanııalyqtar Djýlıan Kesh – Anrı Pattenmen talasady.
Mıhaıl Kýkýshkın jekeleı synda da sátti óner kórsetýde. Ol alǵashqy matchynda rýmynııalyq Marıýsh Kopıldi 6:4, 6:4 esebimen tize búktirdi. Endi ıspanııalyq Fernando Verdaskony jeńse, shırek fınalǵa joldama alady.
Qazaqstannyń birinshi raketkasy Aleksandr Býblık juptyq synda Shtýtgart ATP 250 dodasynyń jartylaı fınalyna shyǵa almaı qaldy. Ol aýstralııalyq Nık Kırospen birge tartysty básekede frantsııalyq Fabrıs Marten – germanııalyq Andreas Meske jol berdi – 6:7 (5:7), 6:7 (4:7).
Taǵy bir qazaqstandyq Dmıtrıı Popko jekeleı synda Bratıslava (Slovakııa) chellendjer jarysynyń ekinshi aınalymynda kort ıesi Iozef Kovalıkten jeńilip qaldy – 7:6 (7:3), 0:6, 1:6.
Eske sala keteıik, budan buryn Aleksandr Nedovesovtiń Shtýtgartta Aýstralııa ashyq chempıonatynyń eki jeńimpazyn utqanyn jazǵan bolatynbyz.
