Mıhaıl Kýkýshkın Qytaıdaǵy týrnırdiń 1/8 fınalyna ótti

ASTANA. KAZINFORM — Qazaqstandyq tennısshi, álemniń 283-raketkasy Mıhaıl Kýkýshkın Ýnın (Qytaı) chellendjer týrnıriniń ekinshi aınalymyna joldama aldy.

Jarystyń 4-raketkasy bolyp tirkelgen qazaqstandyq sportshy bastapqy kezdesýin ATR reıtıngisinde 398-orynda turǵan qytaılyq Tsze Tsýımen ótkizdi.

Qarsylastar osyǵan deıin ózara bir ret oınap, onda Kýkýshkın utqan edi. 

Bul joly kezdesý 13 sáýirde bastalǵanymen, eki ret keıinge qaldyrylyp, búgin aıaqtaldy. 

M.Kýkýshkın kambekpen jeńiske jetti – 4:6, 6:4, 6:1.

Eki saǵat 17 mınýtqa sozylǵan básekede Kýkýshkın 5 eıspen birge 11 breık-poınttyń tórteýin óz esebine jazdy. Tsze Tsýı 4 eıs, 2 breıkpen (6 breık-poınt) shekteldi. 

Mıhaıl Kýkýshkın shırek fınalǵa shyǵý úshin reıtıngide 531-satydaǵy aýstralııalyq Bleık Ellıspen talasady. 

Eske sala keteıik, budan buryn tennısten Qazaqstan quramasynyń álemdik reıtıngide 7-orynǵa kóterilgenin jazǵan bolatynbyz. 

Sondaı-aq Beıbit Juqaev Ońtústik Koreıadaǵy týrnırde bastapqy qarsylasyn kambekpen jeńdi.