Mıhaıl Kýkýshkın Italııadaǵy jarystyń fınalynda jeńilip qaldy
ASTANA. QazAqparat – Qazaqstandyq, álemniń 223-raketkasy Mıhaıl Kýkýshkın Italııadaǵy Andrııa chellendjer týrnıriniń fınalynda jeńilip qaldy, dep habarlaıdy QazAqparat tilshisi.
Sońǵy básekede qazaqstandyq tennısshi álemniń 197-raketkasy, shveıtsarııalyq Leandro Reıdlmen kortqa shyqty.
Tartysty órbigen birinshi partııada 20 jastaǵy shveıtsarııalyq sportshy taı-breıkte ábjildik tanytty – 7:6 (7:4). Ol ekinshi sette de 2:0 esebimen alǵa ketip, sol basymdylyǵyn saqtap qaldy – 6:3.
Eki saǵatqa jýyq ýaqytqa sozylǵan básekede M.Kýkýshkın 6 eıs jasap, 6 breık-poınttyń ekeýin paıdalandy. Qarsylasy 4 eıs, 4 breıkpen (12 breık-poınt) kózge tústi.
Eske sala keteıik, budan buryn Mıhaıl Kýkýshkınniń Italııadaǵy týrnırdiń fınalyna shyqqanyn jazǵan bolatynbyz.
Sondaı-aq tennısten Qazaqstan quramasy Devıs kýboginiń irikteý saıysynda Chılımen oınaıdy.
