Mıhaıl Kýkýshkın Ispanııadaǵy jarystyń jartylaı fınalyna óte almady

ASTANA. QazAqparat - Álemniń 319-raketkasy, qazaqstandyq Mıhaıl Kýkýshkın Ispanııanyń Mýrsııa qalasynda ótip jatqan chellendjer týrnıriniń jartylaı fınalyna shyǵa almady, dep habarlaıdy QazAqparat tilshisi.

Qazaqstandyq tennısshi shırek fınalda álemniń 116-ynshy, osy jarystyń ekinshi raketkasy, ıtalııalyq Matteo Arnaldımen sheberlik baıqasty.

Bir saǵat 12 mınýtqa sozylǵan kezdesýde ıtalııalyq sportshy 6:4, 6:1 esebimen jeńiske jetti.

M.Arnaldı 4 eıs jasap, 7 breık-poınttyń tórteýin paıdalana bildi. M.Kýkýshkın bir ǵana breıkpen kózge tústi.

Eske sala keteıik, budan buryn qazaqstandyq tennısshiniń Ispanııadaǵy týrnırdiń shırek fınalyna shyqqanyn jazǵan bolatynbyz.