Mıhaıl Kýkýshkın Ispanııadaǵy jarystyń kelesi aınalymyna ótti
ASTANA. KAZINFORM – Qazaqstandyq tennısshi, álemniń 285-raketkasy Mıhaıl Kýkýshkın Mýrsııa (Ispanııa) chellendjer týrnıriniń 1/8 fınalyna joldama aldy.
Tájirıbeli qazaqstandyq sportshy bastapqy kezdesýin álemniń 279-raketkasy, lıtvalyq Edas Býtvılaspen ótkizdi.
Birinshi partııada taı-breıkte Kýkýshkın tabandylyq tanytty – 7:6 (7:4). Ekinshi setti de óz paıdasyna jazdy – 6:4.
Bir saǵat 40 mınýtqa sozylǵan básekede M.Kýkýshkın 1 eıspen birge 1 breık-poınttan múlt ketken joq. Býtvılas 7 eıspen kózge tústi.
Mıhaıl Kýkýshkın shırek fınalǵa shyǵý úshin ıspanııalyqtar, álemniń 165-raketkasy Roberto Karbales Baena nemese reıtıngide 260-oryndaǵy Nıkolas Sanches-Iskerdonyń jeńgenimen talasady.
Taǵy bir qazaqstandyq, álemniń 364-raketkasy Denıs Evseev irikteý saıysynyń fınalynda kútpegen jerden reıtıngide 1 036-satydaǵy Polsha ókili Fılıpp Pechonkadan jeńilip qaldy – 6:7 (7:9), 6:0, 3:6. Sóıtip ol negizgi jarysqa óte almady.
Álemniń 771-raketkasy, 18 jastaǵy Ámir Omarhanov Monastır (Týnıs) ITF M15 týrnıriniń fınalynda reıtıngide 883-satydaǵy jańazelandııalyq Anton Shepke ese jiberdi – 3:6, 6:7 (7:9).
Eske sala keteıik, budan buryn Rybakına men Danılınanyń álemdik reıtıngide rekordtyq kórsetkishke qol jetkizgenin jazǵan bolatynbyz.
Sondaı-aq apaly-sińlili qazaqstandyq jas tennısshiler Frantsııadaǵy týrnırdiń fınalyna deıin jetti.
