Mıhaıl Kýkýshkın Indıan-Ýells masters týrnırin jeńispen bastady

ASTANA. KAZINFORM — Qazaqstandyq tennısshi, álemniń 166-raketkasy Mıhaıl Kýkýshkın Indıan-Ýells (AQSh) masters týrnırinde irikteý jarysynyń fınalyna shyqty.

Qazaqstandyq tennısshi irikteý saıysynyń jartylaı fınalynda dúnıejúzilik reıtıngide 602-orynda turǵan 19 jastaǵy frantsııalyq Teo Papamalamıspen oınady. 

Birinshi partııada Kýkýshkın 6:4 esebimen basym tústi. 

Ekinshisinde taı-breıkte frantsııalyq sportshy ese qaıyrdy — 7:6 (7:4).

Úshinshi, sheshýshi sette M.Kýkýshkın jeńisti julyp aldy — 7:5.

Úsh saǵat 28 mınýtqa sozylǵan tartysty matchta Kýkýshkın 1 eıspen birge 8 breık-poınttyń beseýin óz esebine jazdy. Papamalamıs 2 eıs, 3 breıkpen (13 breık-poınt) kózge tústi. 

Mıhaıl Kýkýshkın irikteý saıysynyń fınalynda reıtıngide 394-satydaǵy ıtalııalyq Djýlıo Zeppıerıdi jeńse, negizgi jarysqa joldama alady.

Júlde qory 19,3 mln AQSh dollaryna baǵalanǵan Indıan-Ýells týrnıri 5-16 naýryz aralyǵynda ótedi.

Eske sala keteıik, budan buryn Beıbit Juqaevtyń Frantsııadaǵy jarystyń 1/8 fınalyna shyqqanyn jazǵan bolatynbyz.