Mıhaıl Kýkýshkın Helsınkıdegi týrnırdiń shırek fınalyna shyqty
ORAL. QazAqparat – Qazaqstandyq Mıhaıl Kýkýshkın Helsınkıdegi chellendjer týrnıriniń shırek fınalyna shyqty, dep habarlaıdy QazAqparat tilshisi.
Álemniń 239-raketkasy M.Kýkýshkın ekinshi aınalymda dúnıejúzilik reıtıngte 298-orynda turǵan reseılik Evgenıı Karlovskıımen kezdesti.
Birinshi partııada qazaqstandyq tennısshi basymdylyq tanytty – 6:4.
Ekinshi sette esep 4:2 bolǵan kezde qarsylasy matchty jalǵastyrýdan bas tartty. Bir saǵattan astam ýaqytqa sozylǵan báseke barysynda M.Kýkýshkın 6 eıs, 4 breık jasap úlgerdi.
M.Kýkýshkın jartylaı fınalǵa shyǵý úshin álemniń 140-raketkasy, germanııalyq ıAnnık Hanfmann nemese reıtıngte 153-satydaǵy ulybrıtanııalyq Raıan Penıstonnyń bireýimen talasady.
Taǵy bir qazaqstandyq Beıbit Jýkaev Japonııanyń Kobe qalasynda chellendjer jarysynyń ekinshi aınalymynda álemniń 84-raketkasy, aýstralııalyq Krıstofer O'Konnelmen sheberlik baıqasady.
Eske sala keteıik, budan buryn qazaqstandyq tennısshilerdiń halyqaralyq týrnırlerdi jeńispen bastaǵanyn jazǵan bolatynbyz.
Sondaı-aq qazaqstandyq jas tennısshi Grekııadaǵy týrnırde jeńimpaz atandy.
Tennısten qazaqstandyq tóreshi kúmis belgi ıegeri atandy.
Foto: sports.kz
