Mıhaıl Kýkýshkın Germanııadaǵy týrnırdiń ekinshi aınalymyna ótti
ASTANA. QazAqparat - Qazaqstannyń birinshi raketkasy Mıhaıl Kýkýshkın Gallada (Germanııa) ótip jatqan ATP Gerry Weber Open serııasy týrnıriniń ekinshi aınalymyna shyqty, dep habarlady Vesti.kz.
Birinshi aınalym oıynynda qazaqstandyq tennısshi cheh sportshysy Irjı Veselyıdy 6:1, 7:7, 7:5 esebimen jeńdi. Match eki saǵat 18 mınýtqa sozyldy.
27 jastaǵy Kýkýshkın álemniń 59-shy raketkasy. Al 21 jastaǵy Veselyı ATR reıtınginde 46-shy orynda. Tennısshilerdiń jeke qarsylasýynda esep teń boldy -1:1.
Kelesi aınalymda Kýkýshkın frantsýzdyq tennısshi Gael Monfıspen kezdesedi. Ol óz oıynynda chehııalyq Lýkash Rosoldy 6:3, 6:4 esebimen utqan bolatyn. Monfıs týrnırdiń tórtinshi raketkasy.
