Mıhaıl Kýkýshkın Frantsııadaǵy jarystyń shırek fınalyna shyqty

ASTANA. KAZINFORM — Qazaqstandyq, álemniń 317-raketkasy Mıhaıl Kýkýshkın Lıon (Frantsııa) chellendjer týrnıriniń shırek fınalyna ótti.

Jarysty irikteý saıystarynan bastaǵan 37 jastaǵy qazaqstandyq tennısshi ekinshi aınalymda álemniń 168-raketkasy, frantsııalyq Lıýka van Ashtyń mysyn basty.
Birinshi partııada Kýkýshkın aıqyn basymdylyq kórsetti — 6:2.

Tartysty órbigen ekinshi sette taı-breıkte tarazy basyn ózine aýdara bildi — 7:6 (7:5).

Eki saǵatqa sozylǵan básekede M.Kýkýshkın 6 eıspen birge 9 breık-poınttyń ekeýin paıdalandy. Frantsııalyq sportshy 10 eıs jasaǵanymen, 5 breık-poınttan eshteńe shyǵara almady.

Osylaısha, irikteý saıysyn qosqanda, qatarynan tórt jeńiske qol jetkizgen Mıhaıl Kýkýshkın jartylaı fınalǵa shyǵý úshin álemniń 260-raketkasy, taǵy bir frantsııalyq Tom Perıspen talasady. 

Qazirgi kezde qazaqstandyq tennısshi ATP Live reıtıngisinde 292-orynǵa kóterilip tur.

Eske sala keteıik, budan buryn Mıhaıl Kýkýshkınniń Frantsııadaǵy týrnırde qatarynan úsh matchta jeńiske jetkenin jazǵan edik.