Mıhaıl Kýkýshkın Frantsııadaǵy týrnırde qatarynan úsh matchta jeńiske jetti

ASTANA. KAZINFORM — Qazaqstandyq, álemniń 317-raketkasy Mıhaıl Kýkýshkın Lıon (Frantsııa) chellendjer týrnıriniń ekinshi aınalymyna shyqty.

Jarystyń irikteý saıysynda eki qarsylasyn jeńgen qazaqstandyq tennısshi alǵashqy aınalymda álemniń 124-raketkasy, ulybrıtanııalyq Bıllı Harrıske tap keldi. 

Osyǵan deıin eki tennısshi ózara tórt ret kezdesse, sonyń úsheýinde ulybrıtanııalyq sportshy basym túsken edi. 

Bul joly M.Kýkýshkın Harrısti 7:6 (7:2), 7:5 esebimen tize búktirdi.

Bir saǵat 40 mınýtqa sozylǵan básekede Kýkýshkın 11 eıspen birge 5 breık-poınttyń bireýin paıdalandy. 

Mıhaıl Kýkýshkın shırek fınalǵa shyǵý úshin álemniń 168-raketkasy, frantsııalyq Lıýka van Ashpen talasady.

Іrikteý saıysynan ótken taǵy bir qazaqstandyq, reıtıngide 282-oryndaǵy Beıbit Juqaev birinshi aınalymda álemniń 100-raketkasy, germanııalyq ıAn-Lennard Shtrýfpen asa tartysty match ótkizdi.

Birinshi partııada taı-breıkte Beıbit basymdylyq tanytty – 7:6 (7:5). Alaıda budan keıin sol qarqynyn jalǵastyra almady – 6:7 (1:7), 4:6.

Eki saǵat 15 mınýtqa sozylǵan básekede Beıbit 24 eıs jasap, 9 breık-poınttyń úsheýin óz esebine jazdy. Shtrýff 18 eıs, 4 breıkpen (9 breık-poınt) kózge tústi.

Eske sala keteıik, budan buryn qazaqstandyq eki tennısshiniń Frantsııada negizgi jarysqa joldama alǵanyn jazǵan edik.