Mıhaıl Kýkýshkın Frantsııadaǵy týrnırde qarsylasyn kambekpen utty

ASTANA. KAZINFORM – Qazaqstandyq tennısshi, álemniń 110-raketkasy Mıhaıl Kýkýshkın Kemper (Frantsııa) chellendjer týrnıriniń 1/8 fınalyna shyqty.

Qazaqstandyq tennısshi alǵashqy aınalymda dúnıejúzilik reıtıngide 129-orynda turǵan slovakııalyq Iozef Kovalıkke qarsy keldi.

Slovakııalyq sportshy matchty sátti bastady – 7:6 (7:3).

Degenmen budan keıin Kýkýshkın kambek jasap, tarazy basyn aýdara bildi – 6:3, 6:4.

Eki saǵat 18 mınýtqa sozylǵan tartysty báseke barysynda Kýkýshkın 9 eıspen birge 6 breık-poınttyń teń jartysyn qur jibergen joq. Kovalık 9 eıs jasaǵanymen, 6 breık-poınttyń birde-bireýin paıdalana almady. 

Mıhaıl Kýkýshkın shırek fınalǵa shyǵý úshin álemniń 183-raketkasy, frantsııalyq Tıtýan Drogemen talasady. 

Eske sala keteıik, budan buryn Beıbit Juqaev pen Denıs Evseevtiń Portýgalııadaǵy jarystyń irikteý saıysyn sátti ótkizgenin jazǵan bolatynbyz.

Denıs Evseev Oeırash chellendjer týrnıriniń alǵashqy aınalymynda álemniń 144-raketkasy, taǵy bir slovakııalyq Lýkash Kleınmen, Beıbit Juqaev reıtıngide 372-oryndaǵy portýgalııalyq Gashtaý Elıashpen oınaıdy.