Mıhaıl Kýkýshkın Frantsııadaǵy týrnırdi sátti bastady

ASTANA. KAZINFORM – Qazaqstandyq tennısshi Mıhaıl Kýkýshkın (ATP reıtınginde 254-orynda) Frantsııanyń Po qalasyndaǵy «Chellendjer» týrnırinde alǵashqy kezdesýin ótkizdi.  

Іrikteý kezeńiniń jartylaı fınalynda Kýkýshkın frantsııalyq tennısshi Roben Katrımen (547-orynda) kezdesip, ony qatarynan 7-6, 6-3 esebimen jeńdi.

Kezdesý 1 saǵat 36 mınýtqa sozyldy.

Podaǵy týrnırdiń júlde qory 203 900 eýro. Jeńimpaz 30 460 eýro jáne 125 reıtıngtik upaı jınaıdy. Negizgi favorıt - birinshi orynda turǵan belgııalyq tennısshi Rafael Kollınon (72-orynda).

Eske sala keteıik, buǵan deıin Astanada Devıs kýbogy Birinshi álemdik tobynyń pleı-off matchynda Qazaqstan quramasy Monakodan jeńilip qalǵanyn habarlaǵan edik.