Mıhaıl Kýkýshkın Doha týrnıriniń irikteý saıysyn sátti bastady

ASTANA. KAZINFORM — Qazaqstandyq álemniń 110-raketkasy Mıhaıl Kýkýshkın Doha (Qatar) ATP 500 týrnıriniń irikteý jarysyn jeńispen bastady. 

Qazaqstandyq tennısshi bastapqy kezdesýin dúnıejúzilik reıtıngide 281-orynda turǵan ıspanııalyq Danıel Merıda-Agılarmen ótkizdi.

Birinshi partııada Kýkýshkın 6:2 esebimen basym tústi. Ekinshisinde de esesin jibermedi – 6:4.
Bir saǵat 23 mınýtqa sozylǵan báseke barysynda M.Kýkýshkın eıs jasamaǵanymen, 12 breık-poınttyń beseýin paıdalandy. Merıda-Agılar 4 breık-poınttyń teń jartysyn óz esebine jazdy.

Mıhaıl Kýkýshkın irikteý saıystarynyń fınalynda álemniń 83-raketkasy, ıtalııalyq Lıýka Nardımen kezdesedi. Ony jeńse, negizgi jarysqa joldama alady. L.Nardı reıtıngide 157-satydaǵy japonııalyq ıAsýtaka Ýtııamadan aılasyn asyrdy – 6:4, 6:4. 

Eske sala keteıik, budan buryn Jibek Qulambaevanyń Túrkııadaǵy týrnırdiń fınalynda ese jibergenin jazǵan bolatynbyz.