Mıhaıl Kýkýshkın Brısbende negizgi jarysqa joldama aldy

ASTANA. KAZINFORM - Qazaqstandyq, álemniń 113-raketkasy Mıhaıl Kýkýshkın Brısben (Aýstralııa) ATP 250 týrnıriniń irikteý saıysyn sátti ótkizdi.

Qazaqstandyq tennısshi irikteý saıystarynyń fınalynda dúnıejúzilik reıtıngide 168-orynda turǵan kort ıesi Trıstan Skýlkeıtpen baq synasty.

M.Kýkýshkın 6:4, 6:4 esebimen eki sette jeńiske jetti.

Bir saǵat 37 mınýtqa sozylǵan báseke barysynda qazaqstandyq sportshy 6 eıspen birge 5 breık-poınttyń tórteýin paıdalandy. T.Skýlkeıt 5 eıs, 2 breıkpen kózge tústi.

Osylaısha, negizgi jarysqa joldama alǵan Mıhaıl Kýkýshkınniń kelesi qarsylasy keıin anyqtalady.

Eske sala keteıik, budan buryn ıÝlııa Pýtıntsevanyń jańa maýsymdy Brısbende bastaıtynyn jazǵan bolatynbyz.