Mıhaıl Kýkýshkın Bahreındegi jarysty sátti bastady
ASTANA. KAZINFORM – Qazaqstandyq, álemniń 231-raketkasy Mıhaıl Kýkýshkın Manama (Bahreın) chellendjer týrnırin sátti bastady.
Qazaqstandyq tennısshi bastapqy kezdesýin álemniń 174-raketkasy, chehııalyq Dalıbor Svrchınamen ótkizdi.
Mıhaıl Kýkýshkın qarsylasyn 6:2, 6:2 esebimen tize búktirdi. Saǵat jarymǵa sozylǵan báseke barysynda ol 2 eıspen birge 6 breık-poınttyń tórteýin óz esebine jazdy. D.Svrchına 4 eıs jasaǵanymen, 7 breık-poınttyń birde-bireýin paıdalana almady.
M.Kýkýshkın shırek fınalǵa shyǵý úshin álemniń 158-raketkasy, shvetsııalyq Elıas Imer nemese reıtıngide 181-satydaǵy shveıtsarııalyq Aleksandr Rıshardyń bireýinen ótýge tyrysyp kóredi.
Eske sala keteıik, budan buryn Anna Danılınanyń Dohada jarys jolynan shyǵyp qalǵanyn jazǵan bolatynbyz.
Aleksandr Býblık Rotterdamda 12 eıs jasap, ekinshi aınalymǵa ótti.
