Mıhaıl Kýkýshkın Almatydaǵy sońǵy jarysyn jeńispen bastady
ASTANA. KAZINFORM — Qazaqstandyq tennısshi, álemniń 389-raketkasy Mıhaıl Kýkýshkın Almaty ATP 250 týrnıriniń ekinshi aınalymyna shyqty.
Bul 38 jastaǵy M.Kýkýshkınniń sporttyq mansabyndaǵy sońǵy jarysy edi.
Qazaqstandyq tennısshi alǵashqy aınalymda álemniń 133-raketkasy, 22 jastaǵy grekııalyq Stefanos Sakellarıdıspen kezdesti.
Birinshi partııada grekııalyq sportshy 4:2 esebimen alǵa shyqqanymen, M.Kýkýshkın tarazy basyn teńestirdi. Sodan keıin taı-breıkte tarazy basyn ózine aýdara bildi — 7:6 (7:4).
Ekinshi sette de qarsylastar breıkpen almasty. Aqyry taı-breıkti qazaqstandyq tennısshi eıspen túıindedi — 7:6 (7:3).
Eki saǵat 12 mınýtqa sozylǵan tartysty básekede Kýkýshkın 1 eıspen birge 7 breık-poınttyń úsheýin paıdalandy. Sakellarıdıs 9 eıs, 3 breıkpen (8 breık-poınt) kózge tústi.
Mıhaıl Kýkýshkın shırek fınalǵa shyǵý úshin álemniń 39-raketkasy, grekııalyq Stefanos Tsıtsıpas nemese reıtıngide 82-oryndaǵy amerıkalyq Aleksandr Kovachevıchtiń qaı jeńgenimen talasady.
Eske sala keteıik, budan buryn ıÝlııa Pýtıntsevanyń Qytaıdaǵy týrnırdiń irikteý saıysyn jeńispen túıindegenin jazǵan edik.
Elena Rybakına Qytaıdaǵy týrnırde chempıondyq ataǵyn qorǵaı ala ma, osy jóninde de habarlandy.
