Mıhaıl Kýkýshkın álemdik reıtıngide TOP-100-ge jaqyndap keledi

ASTANA. KAZINFORM — Kásibı tennısshiler qaýymdastyǵy (ATP) jekeleı jáne juptyq synda jańartylǵan reıtıngini jarııa etti.

Qazaqstannyń birinshi raketkasy Aleksandr Býblık 25-ornynda qalsa, Aleksandr Shevchenko 56-dan 58-ge syrǵydy.

Ótken aptada Portý (Portýgalııa) chellendjer týrnıriniń jartylaı fınalyna deıin jetken Mıhaıl Kýkýshkın 134-ten 121-ge kóterilip, TOP-100-ge jaqyndap keledi. Ol 2015 jyly álemniń 46-raketkasy atanǵan bolatyn.

Denıs Evseev 166-dan 181-ge, Dmıtrıı Popko 185-ten 187-ge, Tımofeı Skatov 189-dan 191-ge tómendedi. 

Álemdik reıtıngidegi úzdik úshtikte ózgeris joq, ıtalııalyq ıAnnık Sınner kósh bastasa, serbııalyq Novak Djokovıch ekinshi, ıspanııalyq Karlos Alkaras úshinshi satyda.

Juptyq synda qazaqstandyq Aleksandr Nedovesov 54-ten 59-ǵa, A.Býblık 130-dan 133-ke túsip qalsa, Andreı Golýbev 148-ornynda tur.

Áıelder arasynda WTA reıtıngisinde Polsha ókili Iga Shventek, amerıkalyq Korı Gaýff, belorýssııalyq Arına Sobolenkodan keıin qazaqstandyq Elena Rybakına burynǵysha 4-satyda keledi.

ıÝlııa Pýtıntseva 32-den 31-ge joǵarylady.

Juptyq synda Anna Danılına 48-ornynda qalsa, Jibek Qulambaeva 135-ten 134-ke aýysty.

Eske sala keteıik, budan buryn qazaqstandyq jasóspirim tennısshilerdiń Serbııadaǵy jarysta úzdik shyqqanyn jazǵan bolatynbyz.