Mıhaıl Kýkýshkın AQSh-taǵy jarystyń fınalyna shyqty

ASTANA. QazAqparat – Qazaqstandyq, álemniń 296-raketkasy Mıhaıl Kýkýshkın AQSh-tyń Taıler qalasynda ótip jatqan chellendjer týrnıriniń fınalyna shyqty, dep habarlaıdy QazAqparat tilshisi.

Qazaqstandyq tennısshi jartylaı fınalda álemniń 259-raketkasy, kanadalyq Aleksıs Galarnomen sheberlik talastyrdy.

Birinshi partııada breık jasaǵan M.Kýkýshkın basymdyq aldy – 6:4.

Ekinshisinde kanadalyq sportshy qarymta qaıyrdy – 6:4.

Úshinshi, sheshýshi sette A.Galarno 4:2 esebimen alǵa shyqty. Degenmen budan keıin qazaqstandyq tennısshi qatarynan tórt geımdi óz esebine jazdy – 6:4.

Úsh saǵattan astam ýaqytqa sozylǵan tartysty báseke barysynda Kýkýshkın 3 eıs jasap, 15 breık-poınttyń beseýin paıdalandy.

Qarsylasy 3 eıs, 4 breıkpen (5 breık-poınt) kózge tústi.

Mıhaıl Kýkýshkın fınalda álemniń 187-inshi, jarystyń 3-raketkasy, amerıkalyq Nıkolas Moreno De Alboranmen bas júldeni sarapqa salady.

Eske sala keteıik, budan buryn Novak Djokovıchtiń jetinshi ret Rolan Garros týrnıriniń fınalyna shyqqanyn jazǵan bolatynbyz.

Qazaqstannyń kishkentaı tennısshileri Azııa chempıonatynyń fınaldyq kezeńine joldama aldy.

Zańǵar Nurlanuly Armenııadaǵy týrnırdiń absolıýtti chempıony atandy.

Iga Shventek - úshinshi ret Rolan Garros týrnıriniń chempıony.