Mıhaıl Kýkýshkın AQSh-taǵy týrnırdiń fınalynda utylyp qaldy

ASTANA. QazAqparat – Qazaqstandyq, álemniń 296-raketkasy Mıhaıl Kýkýshkın AQSh-tyń Taıler qalasynda ótken chellendjer týrnıriniń fınalynda utylyp qaldy, dep habarlaıdy QazAqparat tilshisi.

Qazaqstandyq tennısshi fınalda álemniń 187-inshi, osy jarystyń 3-raketkasy, amerıkalyq Nıkolas Moreno De Alboranmen bas júlde úshin kortqa shyqty.

Dál osy tennısshini bir apta buryn Lıttl-Rok qalasyndaǵy dodada qazaqstandyq Beıbit Juqaev 6:2, 6:7 (1:7), 7:6 (7:5) esebimen utqan edi.

Bul joly birinshi partııada taı-breıkte M.Kýkýshkın sáttirek oınady – 7:6 (10:8).

Ekinshi sette taı-breıkte amerıkalyq sportshy esh múmkindik qaldyrmady – 7:6 (7:0).

Úshinshi, sheshýshi partııada esep 5:4 bolǵan mezette amerıkalyq tennısshi matchty breıkpen túıindedi – 6:4.

Úsh saǵat 10 mınýtqa sozylǵan tartysty báseke barysynda M.Kýkýshkın 5 eıs jasap, 7 breık-poınttyń bireýin ǵana óz esebine jazdy. Qarsylasy eıs sanyn 19-ǵa jetkizip, 6 breık-poınttyń ekeýin paıdalanyp ketti.

Eske sala keteıik, budan buryn Iga Shventektiń Rolan Garros týrnıriniń chempıony atanǵanyn jazǵan bolatynbyz.

Sondaı-aq Mıhaıl Kýkýshkın AQSh-taǵy jarystyń fınalyna shyqty.

Novak Djokovıch «Úlken dýlyǵa» týrnırin 23 ret utyp, rekord ornatty.