Mıhaıl Kýkýshkın AQSh-taǵy týrnırde otandasyn utty

ASTANA. QazAqparat – Qazaqstandyq, álemniń 296-raketkasy Mıhaıl Kýkýshkın AQSh-tyń Taıler qalasynda ótip jatqan chellendjer týrnıriniń ekinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi bastapqy kezdesýin dúnıejúzilik reıtıngte 310-orynda turǵan otandasy Denıs Evseevpen ótkizdi.

Tájirıbeli, 35 jastaǵy M.Kýkýshkın saǵat jarymnan astam ýaqytqa sozylǵan básekede 7:6 (7:2), 6:2 esebimen jeńiske jetti.

Mıhaıl Kýkýshkın shırek fınalǵa shyǵý úshin álemniń 194-inshi, osy jarystyń 4-raketkasy, aýstralııalyq Mark Polmanspen talasady.

Taǵy bir qazaqstandyq, reıtıngte 325-oryndaǵy Beıbit Juqaev alǵashqy aınalymda álemniń 220-raketkasy, túrkııalyq Azız Dýgazben kezdesedi.

Budan bir apta buryn AQSh-tyń Lıttl-Rok qalasynda chellendjer dodasynda M.Kýkýshkın B.Juqaevqa ese jibergen edi. Beıbit sol jarystyń fınalyna deıin jetti.

Eske sala keteıik, budan buryn qazaqstandyq tennısshilerdiń Rolan Garros týrnırinde qansha tabys tapqanyn jazǵan edik.

Sondaı-aq qazaqstandyq tennısshi Germanııadaǵy jarysty jeńispen bastady.

Qazaqstan múgedek arbasyndaǵy tennısten alǵashqy tabysyna qol jetkizdi.