Mıhaıl Kýkýshkın AQSh-taǵy jarysta kambekpen ekinshi aınalymǵa ótti
ASTANA. KAZINFORM — Qazaqstandyq tennısshi, álemniń 121-raketkasy Mıhaıl Kýkýshkın Kerı (AQSh) chellendjer týrnıriniń 1/8 aınalymyna shyqty.
Qazaqstandyq tennısshi bastapqy kezdesýin dúnıejúzilik reıtıngide 900-orynda turǵan 19 jastaǵy amerıkalyq Kýper Ýılıamspen ótkizdi.
Birinshi partııada kort ıesi sheberlik tanytty – 7:5. Esesine budan keıin Kýkýshkın kambek jasaı aldy – 6:4, 6:4.
Eki jarym saǵatqa sozylǵan tartysty báseke barysynda qazaqstandyq sportshy 3 eıspen birge 6 breık-poınttyń tórteýin qur jibergen joq. Ýılıams 8 eıs, 3 breıkpen kózge tústi.
Mıhaıl Kýkýshkın shırek fınalǵa shyǵý úshin álemniń 99-raketkasy, reseılik Aslan Karatsevpen talasady.
Atalmysh doda 17 tamyzda máresine jetedi.
Eske sala keteıik, budan buryn qazaqstandyq jasóspirim tennısshiniń Germanııadaǵy týrnırde úzdik shyqqanyn jazǵan bolatynbyz.
