Mıhaıl Kýkýshkın AQSh-taǵy jarysta kambek jasap, jeńiske jetti

ASTANA. KAZINFORM – Qazaqstandyq tennısshi, álemniń 166-raketkasy Mıhaıl Kýkýshkın Fınıks (AQSh) chellendjer týrnıriniń irikteý saıysyn sátti bastady.

Qazaqstandyq tennısshi bastapqy kezdesýinde álemniń 140-raketkasy, amerıkalyq Mıtchell Krıýgerden aılasyn asyrdy.

Birinshi partııada amerıkalyq sportshy 7:5 esebimen basym túskenimen, M.Kýkýshkın kambek jasaı bildi – 7:6 (7:2), 6:0.

Eki saǵat 18 mınýtqa sozylǵan báseke barysynda Kýkýshkın 4 eıspen 12 breık-poınttyń teń jartysyn múlt jibergen joq. Krıýger 8 eıs, 4 breıkpen (8 breık-poınt) kózge tústi.

Mıhaıl Kýkýshkın irikteý saıystarynyń fınalynda reıtıngide 458-satydaǵy slovenııalyq Bor Artnakty jeńse, negizgi dodaǵa joldama alady.

Atalmysh jarysta Qazaqstannyń birinshi jáne ekinshi raketkalary Aleksandr Býblık pen Aleksandr Shevchenko óner kórsetedi. Reıtıngide 82-oryndaǵy A.Býblık alǵashqy aınalymda álemniń 64-raketkasy, aýstralııalyq Aleksandr Výkıchpen kezdesedi.

Álemniń 98-raketkasy A.Shevchenkonyń qarsylasy – reıtıngide 261-satydaǵy amerıkalyq Kolton Smıt.

Qazaqstandyq tennısshiler, álemniń 213-raketkasy Beıbit Juqaev pen reıtıngide 256-oryndaǵy Denıs Evseev Sherbýr (Frantsııa) chellendjer týrnıriniń alǵashqy aınalymynan asa almady. B.Juqaev 568-satydaǵy frantsııalyq Ma Malıjge ese jiberdi – 3:6, 6:2, 4:6. Al Denıs Evseev álemniń 197-raketkasy, japonııalyq ıÝta Sımıdzýǵa jol berdi – 2:6, 6:3, 3:6.

Eske sala keteıik, budan buryn Elena Rybakınanyń jeńis sany jóninen álemde úzdik úshtikte kele jatqanyn jazǵan bolatynbyz.