Mıhaıl Kravets Barysta taǵy bir jyl qyzmet atqarady
ASTANA. KAZINFORM — Reseılik maman Mıhaıl Kravets «Barys» hokkeı klýbynyń bas bapkeri qyzmetin jalǵastyrady.
Bul jóninde komandanyń baspasóz qyzmeti málim etti.
— Komanda Mıhaıl Kravetspen kelisimsharttyń uzartylǵanyn resmı túrde habarlaıdy. Mamanmen jasalǵan kelisim 2027 jyldyń 31 mamyryna deıin eseptelgen. Onyń jetekshiligimen «Barys» turaqty chempıonatta Shyǵys konferentsııasynda onynshy oryn alyp, sońǵy úsh maýsymdaǵy eń úzdik nátıjesin kórsetti. Sondaı-aq, birqatar qazaqstandyq hokkeıshi óz oıyn deńgeıin men nátıjesin aıtarlyqtaı jaqsartty, — dep jazylǵan habarlamada.
Mıhaıl Kravets 1963 jyly dúnıege kelgen. Sporttyq mansabynda 1982-2001 jyldary Reseı, AQSh klýbtarynda oıyn kórsetti.
Bapkerlik qyzmetinde Reseı, Qytaı klýbtarynda jáne Belarýs quramasynda eńbek etti.
2025 jyldan beri «Barys» komandasyna jetekshilik jasap keledi.
