«Barys» hokkeı klýbynyń tizginin Mıhaıl Kravets ustady

ASTANA. KAZINFORM – Astanalyq «Barys» hokkeı klýby reseılik maman Mıhaıl Kravetstiń bas bapker qyzmetine taǵaıyndalǵanyn resmı málimdedi. Bul týraly elordalyq klýbtyń baspasóz qyzmeti habarlady. 

Mıhaıl Kravets bapkerlik jolyn 2001 jyly bastaǵan. KHL aıasynda «Vıtıaz», «Amýr», «Avangard» jáne «Kýnlýn» komandalarynyń tizginin ustaǵan tájirıbeli maman.

Munyń aldynda klýbta bas bapker qyzmetin atqarǵan Ǵalym Mámbetalıevpen kelisimshart ýaqytynan buryn buzyldy.

Bıyl «Barys» Qurlyqtyq hokkeı lıgasynda sátsiz oıyn kórsetti. Shyǵys konferentsııasynda 12 oryn alyp, 68 oıynnan keıin nebári 35 upaı jınady.

Jańa bapkermen kelisimshart 2026 jyldyń 31 mamyryna deıin jasaldy. Taǵy bir jylǵa uzartý múmkindigi qarastyrylǵan.

Jańa maýsymǵa arnalǵan «Barys» klýbynyń jattyqtyrýshylar shtaby tómendegideı:

Bas bapker – Mıhaıl Kravets

Bas bapkerdiń kómekshisi – Talǵat Jaılaýov

Shabýylshylar jattyqtyrýshysy – Aleksandr Savchenkov

Qorǵanys jattyqtyrýshysy – Evgenıı Korolev

Dene daıyndyǵy jattyqtyrýshysy – Denıs Malının

Vıdeo-taldaý jattyqtyrýshysy – Sergeı Tambýlov

Eske sala keteıik, buǵan deıin Evgenıı Korolevtyń «Barys» komandasy bas bapkeriniń mindetin ýaqytsha atqaratynyn jazǵan edik.