Mıhaıl Kalashnıkov aýrýhanaǵa tústi
ASTANA. 18 qarasha. QazAqparat - Ataqty ónertapqysh, avtomatty qarýlardy qurastyryp shyǵarǵan Mıhaıl Kalashnıkov Ijevskide densaýlyǵynyń nasharlaýyna baılanysty aýrýhanaǵa jatty.
«2013 jyldyń 17 qarashasynda densaýlyq jaǵdaıynyń nasharlaýyna baılanysty tanymal qurastyrýshy Mıhaıl Kalashnıkov aýrýhanaǵa jatqyzyldy», - dep habarlady búgin Ýdmýrtııa prezıdenti men úkimetiniń baspasóz qyzmetinen.
Baspasóz qyzmetindegiler qazirgi ýaqytta barlyq qajetti dıagnostıkalyq zertteýler men emniń júrgizilip jatqanyn naqtylady.
Mıhaıl Kalashnıkov 1919 jyly 10 qarashada Altaıda dúnıege kelgen. Óziniń tanymal avtomatyn 1947 jyly qurastyrǵan. Sodan beri álemde 70 mıllıonnan astam avtomattyń san túri qurastyryldy, dep habarlady ITAR-TASS.
