Mıhaıl Gorbachev óziniń 85 jyldyq mereıtoıynda án shyrqady
ASTANA. QazAqparat - Máskeýdegi Radisson qonaqúıiniń janynda úkimettik nómirleri bar kólikterden úlken keptelis ornady. Óıtkeni qonaqúıdiń ekinshi qabatynda KSRO-nyń alǵashqy prezıdenti bolǵan Mıhaıl Gorbachevtiń 85 jyldyǵyn merekeleý sharasy ótip jatty.
Banket zalynda 150-den astam qonaq jınaldy, olardyń arasynda saıasatkerdiń áriptesteri, ártister bolǵan.
Keshtiń oıyn-saýyq baǵdarlamasyn mýzykant Andreı Makarevıch júrgizdi. «Mashına vremenı» tobynyń ánshisi Gorbachevpen birge gıtaramen Klavdııa Shýljenkonyń «Eski hattar» ánin shyrqady, olardyń mıkrofonyn RF-nyń burynǵy qarjy mınıstri Alekseı Kýdrın ustap turdy.
Saıasatkerdi quttyqtaýǵa Konstantın Ernst, «Novaıa gazetanyń» bas redaktory Dmıtrıı Mýratov jáne Mıhaıl Gorbachevtiń basqa da áriptesteri men dostary kelgen, dep jazady lifenews.ru.
