Mıhael Shýmaherdiń jaǵdaıy nasharlap barady
ASTANA. QazAqparat - «Ferrarı» komandasynyń burynǵy basshysy Lýka dı Montedzemolo jeti dúrkin álem chempıony Mıhael Shýmaherdiń densaýlyǵy jaıynda aqparat bar ekenin jáne onyń asa jaqsy habar emes ekenin málimdedi.
Eske sala keteıik, Shýmaher 2013 jylǵy jeltoqsan aıaǵynda frantsýzdyq Merıbelede taýda shańǵy tebý ýaqytynda qulap, aýyr jaraqat alǵan bolatyn. Sportshynyń mıynyń eki jartyshary aýyr zaqymdanyp, mı jaraqatyn alǵan, mıyna qan quıylǵan. 2014 jylǵy qyrkúıekten bastap ol Jeneva kóliniń jaǵalaýyndaǵy óziniń shveıtsarııalyq vıllasynda em qabyldaýda. Sodan beri onyń densaýlyǵy jaıly qýantarlyq aqparat bolǵan joq.
«Ókinishke oraı, meniń jańalyǵym jaqsy deı almaımyn. Ómir túsiniksiz jaıttarǵa toly. Ol keremet sportshy retinde tanyldy, 1999 jyly «Ferarrıde» jarys ýaqytynda onda tek bir ǵana oqıǵa boldy», - dep málimdedi Montedzemolo.
Dı Montedzemolo naqty aqparat bermedi, dep jazady RIA Novostı.
