Mıhael Shýmaherdiń uly apatqa ushyrady
ASTANA. QazAqparat - «Formýla-1» jarysynyń jeti dúrkin chempıony Mıhael Shýmaherdiń balasy Mık «Formýla-4» toptamasyn testileý kezinde apatqa ushyrady, dep habarlaıdy Autosport.
15 jasar jarysqa qatysýshy Laýzıtsrıng avtodromynda ótken jarysta saǵatyna 160 shaqyrym jyldamdyqpen júrip, kólikti basqara almady, onyń bolıd kóligi qıyrshyq tastarǵa turyp qaldy. Qýanyshqa oraı, ol esh zardap shekken joq. Jarysqa anasynyń Betch tegimen qatysqan Mık sońǵy maýsymdarda kartıng toptamalaryn ótkizip, qyrkúıek aıynda KF-Junior klasynda kartıng boıynsha álemniń vıtse-chempıony atanǵan.
Esterińizge sala keteıik, qazirgi ýaqytta Mıhael Shýmaher 2013 jyldyń jeltoqsanynda taý shańǵysyn tebý kezinde alǵan basynyń aýyr jaraqatynan keıin Shveıtsarııadaǵy úıinde ońaltý kýrsynan ótip jatyr.
