Mıhael Shýmaherdiń ósıethatynyń quny mıllıard eýrony qurady
ASTANA. 17 qańtar. QazAqparat - «Formýla-1» sportynan jeti dúrkin álem chempıony bul qadamǵa 2010 jyly Kartahendegi avto jarys kezinde jaraqat alǵan soń barǵan, dep habarlady RBK.
Argentınanyń Ole basylymy habarlaǵandaı, Shýmaherdiń baılyǵy mıllıard dollarǵa baǵalanyp otyr. Onyń qazynasynyń negizin qymbat kólikter men júldege kelgen syılyqtar, sondaı-aq «demeýshilik» kelisimsharttary quraıdy. Mıhael Shýmaherdiń esimi 2012 jyly sport álemindegi tabysy jaǵynan amerıkalyq golfshi Taıger Výdstan keıin ekinshi orynǵa qoıylǵan-dy.
Ósıethattyń sharty boıynsha shabandoz ólgen jaǵdaıda muraǵa qalǵan mıllıard eýro onyń jubaıy men eki balasyna teń bólinip beriledi.
