Mıhael Shýmaher saýyqtyrý sharalaryn úıinde jalǵastyrady
ASTANA. QazAqparat - Mıhael Shýmaher saýyqtyrý sharalaryn jalǵastyrý úshin jaqyn arada úıine jiberiledi. Bul týraly sheteldik BAQ habarlady.
«Formýla-1» avtokólik jarysynyń jeti dúrkin álem chempıony Lozannadaǵy klınıkadan bıylǵy jazdyń aıaǵyna deıin óz úıine jetkiziletin bolady.
Aıta keteıik, 45 jasar Shýmaher jarty jylǵa jýyq ýaqyt jasandy komada jatqan bolatyn. 16 maýsymda dárigerler onyń komadan shyqqandyǵyn málimdedi jáne ol Grenobldaǵy aýrýhanadan Lozannadaǵy saýyqtyrý ortalyǵyna jiberildi. Onyń zaıyby Korınnanyń aıtýynsha, Mıhaeldiń jaǵdaıy birtindep jaqsaryp keledi.
